|
ಮುದಾ ಕರಾತ್ತಮೋದಕಂ ಸದಾ ವಿಮುಕ್ತಿಸಾಧಕಂ ಕಲಾಧರಾವತಂಸಕಂ ವಿಲಾಸಿಲೋಕರಕ್ಷಕಮ್ |
ಅನಾಯಕೈಕನಾಯಕಂ ವಿನಾಶಿತೇಭದೈತ್ಯಕಂ ನತಾಶುಭಾಶುನಾಶಕಂ ನಮಾಮಿ ತಂ ವಿನಾಯಕಂ ||೧|| ನತೇತರಾತಿಭೀಕರಂ ನವೋದಿತಾರ್ಕಭಾಸ್ವರಂ ನಮತ್ಸುರಾರಿನಿರ್ಜರಂ ನತಾಧಿಕಾಪದುದ್ಧರಮ್ |
ಸುರೇಶ್ವರಂ ನಿಧೀಶ್ವರಂ ಗಜೇಶ್ವರಂ ಗಣೇಶ್ವರಂ ಮಹೇಶ್ವರಂ ಸಮಾಶ್ರಯೇ ಪರಾತ್ಪರಂ ನಿರನ್ತರಂ
||೨||
ಸಮಸ್ತಲೋಕಶಂಕರಂ ನಿರಸ್ತದೈತ್ಯಕುಞ್ಜರಂ ದರೇತರೋದರಂ ವರಂ ವರೇಭವಕ್ತ್ರಮಕ್ಷರಮ್ |
ಕೃಪಾಕರಂ ಕ್ಷಮಾಕರಂ ಮುದಾಕರಂ ಯಶಸ್ಕರಂ ಮನಸ್ಕರಂ ನಮಸ್ಕೃತಾಂ ನಮಸ್ಕರೋಮಿ ಭಾಸ್ವರಮ್
||೩||
ಅಕಿಂಚನಾರ್ತಿಮಾರ್ಜನಂ ಚಿರನ್ತನೋಕ್ತಿಭಾಜನಂ ಪುರಾರಿಪೂರ್ವನನ್ದನಂ
ಸುರಾರಿಗರ್ವಚರ್ವಣಮ್ | ಪ್ರಪಞ್ಚನಾಶಭೀಷಣಂ ಧನಂಜಯಾದಿಭೂಷಣಂ ಕಪೋಲದಾನವಾರಣಂ ಭಜೇ
ಪುರಾಣವಾರಣಮ್ ||೪||
ನಿತಾನ್ತಕಾನ್ತದನ್ತಕಾನ್ತಿಮನ್ತಕಾನ್ತಕಾತ್ಮಜಂ
ಅಚಿನ್ತ್ಯರೂಪಮನ್ತಹೀನಮನ್ತರಾಯಕೃನ್ತನಮ್ |
ಹೃದನ್ತರೇ ನಿರನ್ತರಂ ವಸನ್ತಮೇವ ಯೋಗಿನಾಂ
ತಮೇಕದನ್ತಮೇವ ತಂ ವಿಚಿನ್ತಯಾಮಿ ಸನ್ತತಂ ||೫||
ಮಹಾಗಣೇಶಪಞ್ಚರತ್ನಮಾದರೇಣ ಯೋಽನ್ವಹಂ
ಪ್ರಜಲ್ಪತಿ ಪ್ರಭಾತಕೇ ಹೃದಿ ಸ್ಮರ ಗಣೇಶ್ವರಮ್ | ಅರೋಗತಾಮದೋಷತಾಂ ಸುಸಾಹಿತೀಂ
ಸುಪುತ್ರತಾಂ ಸಮಾಹಿತಾಯುರಷ್ಟಭೂತಿಮಭ್ಯುಪೈತಿ ಸೋಽಚಿರಾತ್ ||೬|| ||
|
