ಗಣಪತಿಸ್ತವಃ

ಋಷಿರುವಾಚ :

ಅಜಂ ನಿರ್ವಿಕಲ್ಪಂ ನಿರಾಕಾರಮೇಕಂ ನಿರಾನನ್ದಮಾನನ್ದಮದ್ವೈತಪೂರ್ಣಮ್ |
ಪರಂ ನಿರ್ಗುಣಂ ನಿರ್ವಿಶೇಷಂ ನಿರೀಹಂ ಪರಬ್ರಹ್ಮರೂಪಂ ಗಣೇಶಂ ಭಜೇಮ ||೧||

ಗುಣಾತೀತಮಾನಂ ಚಿದಾನನ್ದರೂಪಂ ಚಿದಾಭಾಸಕಂ ಸರ್ವಗಂ ಜ್ಞಾನಗಮ್ಯಮ್
ಮುನಿಧ್ಯೇಯಮಾಕಾಶರೂಪಂ ಪರೇಶಂ ಪರಬ್ರಹ್ಮರೂಪಂ ಗಣೇಶಂ ಭಜೇಮ ||೨||

ಜಗತ್ಕಾರಣಂ ಕಾರಣಜ್ಞಾನರೂಪಂ ಸುರಾದಿಂ ಸುಖಾದಿಂ ಗುಣೇಶಂ ಗಣೇಶಮ್ |
ಜಗದ್ವ್ಯಾಪಿನಂ ವಿಶ್ವವನ್ದ್ಯಂ ಸುರೇಶಂ ಪರಬ್ರಹ್ಮರೂಪಂ ಗಣೇಶಂ ಭಜೇಮ ||೩||

ರಜೋಯೋಗತೋ ಬ್ರಹ್ಮರೂಪಂ ಶ್ರುತಿಜ್ಞಂ ಸದಾ ಕಾರ್ಯಸಕ್ತಂ ಹೃದಾಽಚಿನ್ತ್ಯರೂಪಮ್ |
ಜಗತ್ಕಾರಣಂ ಸರ್ವವಿದ್ಯಾನಿದಾನಂ ಪರಬ್ರಹ್ಮರೂಪಂ ಗಣೇಶಂ ಭಜೇಮ ||೪||

ಸದಾ ಸತ್ಯಯೋಗ್ಯಂ ಮುದಾ ಕ್ರೀಡಮಾನಂ ಸುರಾರೀನ್ಹರಂತಂ ಜಗತ್ಪಾಲಯಂತಮ್ |
ಅನೇಕಾವತಾರಂ ನಿಜಜ್ಞಾನಹಾರಂ ಸದಾ ವಿಶ್ವರೂಪಂ ಗಣೇಶಂ ನಮಾಮಃ ||೫||

ತಮೋಯೋಗಿನಂ ರುದ್ರರೂಪಂ ತ್ರಿನೇತ್ರಂ ಜಗದ್ಧಾರಕಂ ತಾರಕಂ ಜ್ಞಾನಹೇತುಮ್ |
ಅನೇಕಾಗಮೈಃ ಸ್ವಂ ಜನಂ ಬೋಧಯನ್ತಂ ಸದಾ ಸರ್ವರೂಪಂ ಗಣೇಶಂ ನಮಾಮಃ ||೬||

ನಮಃ ಸ್ತೋಮಹಾರಂ ಜನಾಜ್ಞಾನಹಾರಂ ತ್ರಯೋವೇದಸಾರಂ ಪರಬ್ರಹ್ಮಸಾರಮ್ |
ಮುನಿಜ್ಞಾನಕಾರಂ ವಿದೂರೇ ವಿಕಾರಂ ಸದಾ ಬ್ರಹ್ಮರೂಪಂ ಗಣೇಶಂ ನಮಾಮಃ ||೭||

ನಿಜೈರೋಷಧೀಸ್ತಪರ್ಯನ್ತಂ ಕರಾದ್ಯೈಃ ಸುರೌಘಾನ್ಕಲಾಭಿಃ ಸುಧಾಸ್ರಾವಿಣೀಭಿಃ |
ದಿನೇಶಾಂಶುಸಂತಾಪಹಾರಂ ದ್ವಿಜೇಶಂ ಶಶಾಂಕಸ್ವರೂಪಂ ಗಣೇಶಂ ನಮಾಮಃ ||೮||

ಪ್ರಕಾಶಸ್ವರೂಪಂ ನಮೋ ವಾಯುರೂಪಂ ವಿಕಾರಾದಿಹೇತುಂ ಕಲಾಭಾರಭೂತಮ್ |
ಅನೇಕಕ್ರಿಯಾನೇಕಶಕ್ತಿಸ್ವರೂಪಂ ಸದಾ ಶಕ್ತಿರೂಪಂ ಗಣೇಶಂ ನಮಾಮಃ ||೯||

ಪ್ರಧಾನಸ್ವರೂಪಂ ಮಹಾತ್ತತ್ತ್ವರೂಪಂ ಧರಾಚಾರಿರೂಪಂ ದಿಗೀಶಾದಿರೂಪಮ್ |
ಅಸತ್ಸತ್ಸ್ವರೂಪಂ ಜಗದ್ಧೇತುರೂಪಂ ಸದಾ ವಿಶ್ವರೂಪಂ ಗಣೇಶಂ ನತಾಃ ಸ್ಮಃ ||೧೦||

ತ್ವದೀಯೇ ಮನಃ ಸ್ಥಾಪಯೇದಂಘ್ರಿಯುಗ್ಮೇ ಜನೋ ವಿಘ್ನಸಂಘಾತಪೀಡಾಂ ಲಭೇತ |
ಲಸತ್ಸೂರ್ಯಬಿಮ್ಬೇ ವಿಶಾಲೇ ಸ್ಥಿತೋಽಯಂ ಜನೋ ಧ್ವಾನ್ತಪೀಡಾಂ ಕಥಂ ವಾ ಲಭೇತ ||೧೧||

ವಯಂ ಭ್ರಾಮಿತಾಃ ಸರ್ವಥಾಽಜ್ಞಾನಯೋಗಾದ- ಲಬ್ಧಾಸ್ತವಾಂಘ್ರಿಂ ಬಹೂನ್ವರ್ಷಪೂಗಾನ್ |
ಇದಾನೀಮವಾಪ್ತಾಸ್ತವೈವ ಪ್ರಸಾದಾತ್ಪ್ರಪನ್ನಾನ್ಸದಾ ಪಾಹಿ ವಿಶ್ವಂಭರದ್ಯ ||೧೨||

ಏವಂ ಸ್ತುತೋ ಗಣೇಶಸ್ತು ಸಂತುಷ್ಟೋಽಭೂನ್ಮಹಾಮುನೇ |
ಕೃಪಯಾ ಪರಯೋಪೇತೋಽಭಿ- ಧಾತುಮುಪಚಕ್ರಮೇ ||೧೩||

|| ಸ್ವಸ್ತಿ ಶ್ರೀಋಷಿಕೃತೋ ಗಣಪತಿಸ್ತವಃ ಸಂಪೂರ್ಣಮ್ ||